Nida Fauziah
180210110019
Rebo, 12 September 2012
MANIK ANGKERAN
(ASAL MULA SELAT BALI)
Dina jaman baheula aya hiji Karajaan Daha anu dipingpin ku hiji Brahmana nu ngarana Sidi Mantra anu kawéntar kasaktianana. Sanghyang Widya atawa Batara Guru ngahadiahanna harta banda jeung pigarwaeun nu geulis campernik. Mangtaun-taun hirup paduduaan, miboga budak nu ngarana Manik Angkeran.
Sok sanajan Manik Angkeran hiji jajaka anu gagah tur pinter tapi manéhna miboga sipat nu goréng, nyaéta sok maén judi. Manéhna sok éléh waé sahingga manéhna kapaksa masang harta banda warisan kolotna, malahan nepi ka ngahutang. Ku sabab teu bisa mayar hutang, Manik Angkeran ménta tulung ka bapana sangkan ngalakukeun hiji hal. Sidi Mantra puasa jeung ngadu’a pikeun nohonan pitulung dewa-dewa. Teu kungsi lila, manéhna ngadéngé sora, “Hei, Sidi Mantra, di kawah Gunung Agung aya harta karun nu dijaga ku naga, éta naga téh ngarana Naga Besukih. Indit kaditu tuluy ménta ka éta naga.”
Sidi Mantra indit ka Gunung Agung, diperjalanan manéhna loba pisan ngahareupan gangguan. Sanggeus tepi ka kawah Gunung Agung, manéhna tapa sabari nyadakeun genta jeung mapatkeun mantra tuluy ngageroan Naga Besukih. Teu kungsi lila éta naga teh kaluar. Naga téh apal pamaksadan Sidi Mantra, Naga Besukih kuliat tuluy kaluar emas jeung inten dina sisitna. Sanggeus kitu Sidi Mantra pamitan mulang. Sakabeh harta banda anu dipibeunang dibikeun ka Manik Angkeran kalayan harepan budakna ulah judi deui. Teu kungsi lila, harta banda éta béak dijadikeun tarohan. Manik Angkeran ménta deui bantuan ka bapana. Tangtuna waé Sidi Mantra Nolak paménta budakna.
Manik Angkeran ngadéngé ti babaturanana yén harta éta téh meunang ti Gunung Agung. Manik Angkeran nyaho sangkan tepi ka éta gunung, manéhna kudu maca mantra tapi manéhna can pernah diajar ngeunaan du’a jeung mantra éta. Jadi, manéhna ngan ukur mawa genta meunang maling ti bapana basa bapana keur saré.
Satépina di kawah, Manik Angkeran nyadakeun genta éta. Sieunna kacida basa nempo Naga Basukih. Sanggeus naga apal kana maksad Manik Angkeran, manéhna ngomong, “Urang rék nyumponan kahayang manéh tapi manéh kudu jangji ulah judi deui. Inget kana wawales.” Manik Angkeran ngarasa hélok nempo emas, inten jeung berlian nu aya dihareupeunana tapi teu disangka manéhna boga niat jahat, ku sabab hayang meunang harta leuwih loba ku cara nu gampang, manéhna neukteuk buntut Naga Basukih nalika naga malik rék ka kandangna. Manik Angkeran gancang-gancang ninggalkeun éta tempat nepi ka lolosna. Tapi ku kasaktian Naga Basukih, Manik Angkerak kaduruk jadi lebu nalika tapak sukuna dilétak ku naga. Ngadéngé budakna maot, kasedihan haté Sidi Mantra teu bisa digambarkeun. Tuluy manéhna ngadatangan Naga Basukih. Manéhna ménta hampura jeung ménta supaya budakna dihirupkeun deui. Paménta éta téh dicumponan tapi saratna buntut Naga Basukih kudu bisa napel deui. Ku kasaktianna, Sidi Mantra bisa nyumponan éta sarat. Teu kungsi lila Manik Angkeran hirup deui, manéhna ménta hampura jeung jangji rék jadi jelema bageur. Sidi Mantra apal budakna geus tobat tapi sok sanajan kitu manéhna moal bisa hirup babarengan deui.
“Manéh kudu mimitian deui hirup anyar tapi teu didieu,” saurna. Ti dinya Manik Angkeran ngaleungit tuluy kaluar cai dina tempat Manik Angkeran nangtung nu beuki lila éta cai téh beuki loba nu ahirna jadi laut. Ku iteukna, Sidi Mantra ngajieun gurat nu misahkeun manéhna jeung Manik Angkeran. Ayeuna tempat éta jadi selat Bali nu misahkeun pulau Jawa jeung pulau Bali.
Sumber: www.seasite.nie.edu
Sumber: www.seasite.nie.edu
0 komentar:
Posting Komentar